BV ski day jan09

bellavista ski day - "First" Grindelwald

Selects at the Flower Beach / Aug 08

Selects - Flover Power Beach Party

30 Guests at the first Angel Mountain Beach BBQ 2008

ANGEL MOUNTAIN Beach Friday, 25.7.08

Grillade am 'ANGEL MOUNTAIN' Beach (z'Wingreis) findet am Frytig 25. Juli 08 statt, ab 18h00 - see you

üsi nigunagunöie veloahänger für a ANGEL MOUNTAIN BEACH z' cruise

vorem Gentelman Konzert - mai08

FIRST TIME - sa, 31. mai 2008 ab 12h00

grilliere, pokere, frisbeele, sünnele, jasse, darte, tschute, bädele... see you

Summercup 2008

Summercup 2008

Düsseldorf 08

# 431

Ligaquali 2008 Spiel 3 in Basel

"Heimspiel" in Basel... am Samschtig Nomittag 5.4.08 heimer üs scho am 4i vorem Jumpin'Ghost troffe. Dr Arie (het z Büssli organisiert - MERCI !), Marco, Bruno, Wale, Tami und ig si so zytig z Basel acho und hei no zyt ka mit dm Trämli ufe Barfi z fahre und üs im papa joe's z' verpflege. Es isch e glösti und zuversichtlichi Stimmig ir Gruppe gsi, bis mir üsi Tickets zückt hei ka und d' St Jakob's Arena betrete hei ka. Am 19h45 isch de dr Puck pünktlich iegworfe worde, Biel isch mit eim Usländer uf Basel greist und d Drachene mit dm Justin Papineau ir Offensive und dm Hauert wo hinge söt ufrume, probiere e art Rotationsprinzip. Dr Basler Coach Benoit Laporte steit sit 24h im Dienscht vo Basel, er wär eigentlich für die nöchscht Saison bim EHC Basel vorgseh gsi... falls si ir NLA verblibe. 5123 Matchbesucher devo si ca. 3'500 Bieler usem Seeland agreist. Matchbericht

7...

... Johr si vergange, sit ig z' letschte mou im Engadin bi gsi... e chlyni Ewigkeit. No 2mou schlofe und den fahre z' Tami und ig für es paar Täg uf Pontresina go boarde. Im Oberengadin fingsch aues... breiti und guet präparierti Pischte zum carve, vili Möglichkeite absits dr Pischte... zum powdere... längi Culoirs abefahre, über chlini Waldwegli is Tal gleite ...etc. kulinarisch und usgangstechnisch het me ebefalls e riesigi Palette zur Uerfügig. ig freue mi !

christmas time

Mäntig, 24.12.2007, 23h39... über 30 gueti Lüt si a däm Obe z'Tüscherz zäme cho und hei vuü gschnurret...glieret, gsunge, pokeret, tennis gschpült, trunke & gässe... dr obe isch eifach vuü z schnell verbigange. es grosses MERCI ad Gastgeber ! das mues me wiederhole... föteli werde folge

Verschpötets Gschenkli

was chunt use, wenn sich dr Samichlaus & Schmutzli , Rudy the red nose rendieer und dr Oschterhaas am verneblete Nöijohrsmorge 2008 ir Twannbachschlucht treffe ??? Uflösig folgt am Mäntig ... vilich scho chlei vorher Zischtig... Leider han ig immer no keini NEWS ... d Info isch erscht zu 99% sicher... Donschtig...Jetzt isch d' Info 100%... z' A-Team vo de Wine Skaters Twann stiegt per sofort id NLB uf ! ...oben hängen die Trauben

Es war einmal...

... ein kleines gallisches Dorf am linken Bielerseeufer, Ihre Bewohner wehren sich seit geraumer Zeit erfolgreich gegen die Römer( wir nennen sie in dieser Geschichte Twanner und Bäritscher) . Die gallische Dorfbevölkerung versammelte sich nun gestern in ihrer bezaubernden Kirche oberhalb des Dorfes...

Fortseztung folgt

Ski-Weekend in Adelboden

Am Trüelete Sunntig (-nacht) isch ir Schmitte dr Wunsch uftoucht, dass me doch im Jäner zäme (A-Team & Fans & Betreuer & und "aui" andere...) id Berge fahre chönt und go Huus-Cafes schlürfe, imne Fondue rühre, e Jass chlopfe oder eifach uf dr Pischte es paar Schwüng i Tiefschnee chönt go zoubere.

Ig ha de das mit dm brocken Frogleg no mou agluegt und mi drufabe ums Chalet kümmeret.

Hüt (Frytig-Nomitag 7.12.07) hanig nach langem warte, d' Zuesag fürs "Chalet Irene" in Adelbode erhalte und grad druf abe buechet!

Am Frytig 18. Jan. bis Sunntig 20. Jan. 2008 findet auso es Ski & Snowboard Weekend in Adelbode statt.

Es het 5 Schlofzimmer mit insgesamt 15 Schlofglägeheite.

zusätzlich Infos: Name: Chalet Irène /Ort: Adelboden/Lage: Zentral / Schlafzimmer: 5 / Betten: 10-15 / Badezimmer: 1 / Toiletten: 2 / Küche: 1 / Wohnzimmer: 2 / Waschmaschine: 1 / Spühlmaschine: 1 / Backofen: 1Parkplatz: 1 vor dem Haus - In der Nähe ist ein grosser öffentlicher Parkplatz. Gebühr CHF 8.-/Tag

Bisch DU dr bi ? de schrieb di doch so gli wie möglich es SMS oder es mail a mi. president@wineskaters.ch

PREIS: ca. 50.- chf pro Person und Weekend (2 Übernachtungen inkl. Frühstück) - die Reservationen werden Ende Dezember schriftlich bestätigt.

Wine Skaters Twann

Morn isches grad ei Monat her, sit d Vignerons im 1.Liga Final gege Rothenfluh verlore hei. Nach dem Final-Weekend hanig e gähnendi leeri i mir inne verspürt... wie sicher vili Spieler und Fans ou. Letscht Wuche heimer jetzt WST Vorstandssitzig ka und bi richtig happy gsi, das ig d Trüelete Abrechnig mit über 1'000.- Gwinn am reschtliche Vorstand ha chönne präsentiere, jedoch binig nur es paar Augeblick schpöter vor Aline (Kasse) wieder id Realität zrügg ghout worde... es sige immer no etlichi Mitgliederbiträg vo dere Spielsaison offe. Ig wierde mis Ämtli aus TK uf Endi das Johr abgä (Nachfolger - noch offen!) und wirde mi mit dr Unterstüzig vom Vorstand aus Präsident zur "Wahl" atrete... Ig ha das TK Ämtli jetzt 3... 4... 5... Johr (ig weiss es im moment grad nid?) mit dr hilf vomene sehr guete Presi&Vorstand dörfe kennelerne und usüebe.

ig wot jetzt öpis nöis usprobiere !

Stades de Bienne

Meldet euch bim Club Stade de Bienne a. (Koschtelos)

Selects Grillade nachem Hochwasser

Selects im Gärtli Aug 07

Summer Time

"Angel Mountain" Beach Resort, Wingreis, Switzerland - mi cha frisbeele, tschute, sünnele, bädele, jasse, pinot gris trinke, segle, surfe, touche, grille, badmington spiele und es het e BSG Anlegesteg, e Bootswerft und es Restaurant ... churz - es isch DAS Plätzli am Bielersee - see you soon

Anaheim Ducks

Stanley Cup Sieger 06/07 Anaheim Ducks

Rob and Scott Niedermayer of the Anaheim Ducks pose with their mother Carol and the Stanley Cup after their team's victory over the Ottawa Senators in Game 5 of the Stanley Cup Final on June 6, 2007 at Honda Center in Anaheim, California.

Laser TV

Wartet no mit eim neue Plasma- oder LCD-TV z`choufe. (LCD-Plasma Vergleich) Es chunt scho gli öpis neus ufe Märit... Laser TV

Pictures Summer Cup 07

Bielersee Selects 2007

Selects 1. Rang

Kommentar der Turnierleitung:

Traditionell fand natürlich auch wieder unser „Grandfather-Cup“ statt. Wie wir in den vergangenen Jahren bereits lernen durften, ist das sportliche Abschneiden in dieser Konkurrenz lediglich von zweitrangiger Bedeutung. Dennoch war es wieder für alle Beteiligten schön, ein bischen Hockey zu spielen und bei dem ein oder anderen Bier über die alten Zeiten oder was auch immer zu plaudern. Im Teilnehmerfeld standen neben der zweiten und dritten Mannschaft der RAMS noch die Uedesheim Chiefs, die Bullskater Düsseldorf, die Assenheim Patriots und – last but not least – unsere langjährigen, mittlerweile schon zum Inventar gehörenden Freunde aus der Schweiz, die Bielersee Selects. Gespielt wurde der gleiche Modus wie beim Damenturnier und nach der Vorrunde belegten die Bielersee Selects und die RAMS II die beiden ersten Plätze, so dass diese beiden Teams vom Außenplatz zum Finale in der Halle umziehen durften. Nach dem Treffer zum 2:1 für die RAMS nur 9 Sekunden vor der Schluß-Sirene, glaubte fast jeder in der Halle eigentlich schon, das Spiel sei entschieden. Nicht so jedoch die immer in bester Stimmung befindlichen Selects: quasi mit dem Schlusspfiff erzielten die Schweizer noch den Ausgleich und entschieden das anschließende Penaltyschiessen für sich. Neben dem Titel des Altbier-Meisters – diesen haben die Selects nun bereits zum siebten Mal in Folge gewonnen – ging in diesem Jahr auch die Trophäe des „Grandfather-Cups“ an unsere Freunde aus der Schweiz.Und so sah die Abschlussplatzierung des Alt-Herren-Turniers aus: 1. Bielersee Selects (CH) 2. Düsseldorf RAMS II (D) 3. Uedesheim Chiefs (D) 4. RAMS Old-Stars (D) 5. Bullskater Düsseldorf (D) 6. Assenheim Patriots (D)

Pfropfhüsli TWANN

no 99 Täg ...

Abem Sept.07 wird z Pfropfhüsli bereits a 3ti Chef.... sorry Chefinne übergä... ig wünsche ade Priska und Bettina e super Start und vuü Ergolg!

BUICK ESTATE 1990

Innere Wuche wird ig mi "nöi" Buick dörfe entgegenä. Das Weeekend bini zum Glück in Düsseldorf, so bini chlei abglenkt und d`Zyt geit de chlei schnöuer düre... bis ig cha go cruise

RAMS Summer-Cup

vom 25.-29. Mai si d`Bielersee Selects wider z`Düsseldorf am Inlinehockey Turnier aztreffe... Altbier, Rhein, die längste Theke der Welt, Lufthansa... Zwüschebricht, Pfingstsonntag 07h36: churze Flug, e Firstclass-Hoteltransfer-es MERCI a Arno, viele Tore, genügend Caipirinha & Altbier, Jass chlopfe, Schweinshaxen im Schlüssel. Hüt Mittag müsse mir ds vierti Quali Spiel gege d Bulls gewinnen... denn si d Chance GROSS, das mir is Final chöme und so ir Halle vor grossem Publikum dörfte spiele! so odere so... hüt am obe werde mir ar players-party mindeschtens dr Altbierbier-Meischtertitu erfolgriech verteidige...

Montag 9h00: Geschter isches sowit gsi, d`Bielersee Selects hei sich aus Gruppeerschte fürs Final gege Rams II qualifiziert. Am Endi vomne intensive und kräfteroubende Final-Spiel het dr Andi 2:2 (1sek. vor Spielendi!!!) markiert. Bim Penalty-Krimi het dr Sänu erneut troffe und dr Alain het im Goal aui Penaltys vom Gegner abgwehrt! Yes - mir hei dr Grandfathers Cup 2007 gwunne! Phots folgen...

Seegärtli vol. nr1

am Samschtig het me sich am Nomi im Moos-Seegärtli troffe. die einte si i 15grädig See gumpet und anderi si vode Sunnestrahle unter die schattespendende Pergola gflüchtet. Nachdem sich aui aklimatisiert hei ka, si de Pokerkarte gmischlet worde und Chips verteilt worde. Ir Spielhälfti het sich de z Tami verabieschdet... isch is Kreuz go bügle und isch de vom joggende pokerface abglöst worde... er het de ou grad die folgende 2 Rundine souverän für sich entschiede ka und het so gnueg Geld zämebrocht, dass er es zugticket het chöne löse und so nid het müesse zrügg jogge. Dr Grillmeischter het de no Bratwürscht überdo & serviert... und hei dr gmüetlich Tag bimne Glas Chasselas lo usklinge. Dr Brüetsch und ig hei de nonid gnueg ka und si de no mit dr Kreuz-Equipe ad Schafiserwyprob. Teutschbrothers si adem obe nid gsichtet worde und so hets de am 01h00 scho fürobe gä und mir si de direkt hei go pfuse... da am Georges sini Gipfeli nonid fertig gröuelet si gsi.

Sparkässeli

MERCI vuü mou

Flögu`s Birthday Party

letschte Samschtig het wieder mou aues gstumme... Flögu, aues gueti zum Geburri merci für dini Ieladig, es isch wieder mou dr hit gsi, uf eure Terasse chöne z`sitze und es cuba libre z`gniesse. dini gäscht, d grillade, dr töggelichaschte, d jass- & pokerrundi si "gschuld" gsi, dass mir erscht am haubi sechsi dehei si gsi.... 2h spöter bini de mit miner nichtsahnende Tennisdoppelpartnere uf dr Burg gstande und hei am Frühligs Open 07 dr 8ti Rang usegschpült

Birthday Gschenkli 07

es MERCI ad Lari & Rafi & Matulli

ig ha geschter öies Birthday-Gschenkli ieglöst.

dr Pulli git adem verregnete Uffahrstsdonschtig gäbig warm!

Frühlings-Open 07

Am Sunntig, 13.5. wird uf dr Burg z Twann ume Frühligs-Mixed-Titu vom Tennisclub Twann gschpielt. Z`Mixed-Doppel wird über 45min gschpielt und dr erschti Match (08h00) vom Tag wird zwüschem Housi&Amelia und dm Lili&mir ustreit werde. Am schpötere Muttertagsnomi wird de no es chlieses und grosses Final düregführt. Guete Match

Sneak Preview

Hy, ou ig taschte mi langsam as blogge here es sunnigs grüessli mischu